Tiranë, grabitësit u hyjnë me radhë dyqaneve, vjedhin 1 milionë lekë mall

Një dyqan me aparate celularësh është grabitur në zonën e pallateve “Agimi” në Tiranë. Dëshmitarët në vendin e ngjarjes kanë thënë se autorët e krimit tentuan të hyjnë edhe në dy dyqane të tjera por pika e shitjes e cila ishte grabitur së pari kishte njoftuar ndërkohë policinë në sallën operative.
Mbërritja e forcave të rendit është bërë shkak për tërheqjen e keqbërësve. Sipas policisë grabitja e dyqanit të celulare ka ndodhur orët e para të mëngjesit, ndërsa sipas pronarit të biznesit i është marrë një shumë prej 1 milionë lekësh të reja mall.