Fotografoi vajzën e tij në qendër tregtare, merret në pyetje nga policia

Një baba është marrë në pyetje nga policia pasi kishte realizuar një foto të vajzës së saj në një qendër tregtare. Chris White debatoi me stafin e qendrës tregtare pasi fotografoi vajzën katër vjeçare Hazel duke ngrënë një akullore në qendrën tregtare “Braehead” në afërsi të Glasgout. White u mor në pyetje fillimisht nga roja i sigurisë i cili i tha se ishte ilegale të realizoheshin foto brenda qendrës. Atij ju kërkua që të fshijë çdo foto të realizuar në aparatin e tij celular. White deklaroi se tanimë dy foto të vajzës i kishte postuar në rrjetin social “Facebook”. Stafi i qendrës tregtare njoftoi policinë e cila mori sërish në pyetje personin duke ja bërë të qartë se kishte shkelur rregullat që ndalonin kryerjen e fotografive. White pohoi se oficeri i policisë i kishte komunikuar se mund të konfiskonte edhe telefonin bazuar mbi bazën ligjore të aktit të parandalimit të terrorizmit. Një grup i posaçëm u krijua në Facebook për të protestuar për këtë rast dhe brenda pak orësh arriti të ketë 7700 fansa.