Greva e doganierëve, vetëm këmbësorë në kufirin Shqipëri-Greqi

Tirane – Lajmifundit – Greva e doganierëve grekë do të bëhet shkak për ndalimin e lëvizjes së automjeteve nga Shqipëria në drejtim të Greqisë, ditën e premte më 14 tetor 2011.
Lajmi është bërë i ditur nga drejtoria e përgjithshme e policisë së shtetit në Tiranë.
Informojmë qytetarët se nga informacionet e marra, rezulton që ditën e premte datë 14.10.2011, për shkak të një greve të punonjësve të Doganës Greke, në Pikat e Kalimit Kufitar me shtetin grek nuk do të lejohet kalimi i automjeteve, por vetëm i udhëtarëve.
Për sa më sipër, lusim qytetarët që të marrin masat e nevojshme, pasi në të gjitha pikat e kalimit me Greqinë do të bëhet vetëm përpunimi i personave.
Për çdo informacion të mëtejshëm lidhur me ndërprerjen e kësaj greve do t’ju informojmë në vazhdimësi-thuhet në deklaratën e policisë.

po mor zot me lan tezen pa shku kishte pre bileten per shkoder e nuk mujt me u nis.....ca zotin bajne se na cmenen