Nancy Dell’Olio: Berlusconi më dëshironte, i ofrova vetëm miqësi

Me aksent italian, me linjat trupore mjaft të këndshme padyshim që Nancy Dell’Olio është kthyer në seks simbolin e “Strictly Come Dancing” për këtë vit. E përditshmja “Mirror” ka zbuluar se kryeministri italian Silvio Berlusconi ka dashur të shkojë me Nancy në kohën kur ajo punoi për fushatën e tij elektorale në vitin 1994. Pasi studioi për drejtësi në Universitetin e Romës, e më pas kreu një master në Nju Jork, Nancy u kthye në kryeqytetin italian në fillimin e viteve 90’ për të nisur karrierën e saj si juriste. Por, ajo që ajo nuk priste ishte që të gjendej para një sulmi prej një politikani të vjetër si Berlusconi. Ky i fundit i ka propozuar të kandidojë për partinë e tij “Forza Italia” në vitin 1995 dhe i dërgonte lule, verë ndërsa e ftonte për darkë në vende të ndryshme. Ndërsa Berlusconi i ofroi edhe një moment të këndshëm në një dhomë hoteli private ajo refuzoi por të dy mësohet se kanë mbetur miq për shkak se Berlusconi ishte i pranishëm në ditëlindjen e fundit të saj.