Vrasja e këngëtares Emmy, familja “tërheq” padinë ndaj Aziz Kelmendit

Familja e këngëtares Elsina Hidershaj, Emmy nuk paraqitet ne seancën gjyqësore të padisë ndaj biznesmenit Kosovar Aziz Kelmendi i dënuar për vrasjen nga pakujdesia të 22-vjeçares.
Mosparaqitja e familjes është bërë automatikisht shkak për pushimin e padisë në të cilën familja kërkonte dëmshpërblim për vrasjen e këngëtares. Më datë 10 tetor 2011 gjyqtarja Fida Osmani pushoi padinë e prindërve, pasi nuk u paraqiten në seancë e dytë gjyqësore edhe pse kishin dijeni për orën dhe ditën e gjyqit.
Kjo padi civile, ishte dorëzuar pranë Gjykatës së Shkallës së Parë pikërisht ditën kur togat e zeza filluan shqyrtimin gjyqësor ndaj ish-të dashurit të këngëtares “Emmy”, biznesmenit kosovar Kelmendi, i cili u gjykua më pas dhe dënua me 16 muaj burg me kusht për “vrasjen nga pakujdesia” të 22 vjeçares.