Librat e së ardhmes, elektronikë

Aktualisht qëndron i hapur në Frankfurt Panairi i 63 Ndërkombëtar i librit. Këtë radhë pjesëmarrja është më e vogël dhe stendat më të bollshme. Shkak është se gjithnjë e më shumë botues orientohen nga tregu elektronik.

Kiendle quhet biblioteka e Andrejt. Ajo është vetëm sa pëllëmba e dorës: e vogël, por me kapacitet të madh. Deri në 1000 tituj librash mund të stivohen në raftet digjitale të minikompjuterit të specializuar për leximin e librave elektronikë. Andrej ka disa dhjetëra, shumica janë libra beletristike, por vetëm shumë pak prej tyre i ka blerë: Të tjerat i ka shkarkuar në internet nga një platformë piratësh. “Unë jam student, por kur të filloj punën do t’i blej librat”, justifikohet 25 vjeçari nga Sllovenia.