Tmer në avion, pasagjeri bërtet: “Allahu Akbar… ju do vdisni!”

Një avion u detyrua të bëjë një ulje emergjence pasi një pasagjer i veshur në të zeza nisi të bërtiste në bord “Allahu Akbar…. ju të gjithë do të vdisni”. Avioni me numër fluturimi 3683 u detyrua të ndalonte në tokë pasi piloti bëri një thirrje emergjence për aeroportin më të afërt. Avioni ishte në fluturim nga Los Angeles drejt Kansasit ndërsa u ndalua në aeroportin e Amarillos në Teksas në orën 3.30 pm. Policia kreu arrestimin e Ali Reza Shahsauri banues në Florida. Pasagjerët thanë se personi shkoi në fund të avionit dhe nisi të bërtiste “Ju do të vdisni të gjithë. Do të shkoni në ferr. Allahu Akbar”. Megjithatë FBI thotë se incidenti nuk është i lidhur me terrorizmin. Një zëdhënës tha se “FBI vazhdon të hetojë por të dhënat paraprake nuk tregojnë për synime terroriste. Ky person ka nënshtetësi amerikane”.