I vjen fatura e telefonit 200 mijë dollarë, gruaja: Jeta ime mbaroi!

Secili prej nesh ka një ndjesi aspak të mirë kur hap një faturë. Por një grua nga Florida u shokua kur pa faturën e telefonit të saj ku shënohej shifra 201 mijë dollarë. Më keq akoma kur Celina Aarons mësoi se nuk ishte një gabim teknik. Celina ka dy vëllezër të lindur shurdhë memecë. Shamir që është më i vogli është në shkollë e nuk punon ndërsa Celina i ndodhet afër për tu kujdesur për të. Mënyra më e lehtë për ta për të komunikuar është përmes mesazheve me tekst. Zakonisht kjo nuk përbën problem pasi Aarons ka një plan tarifor që fatura i shkon rreth 175 dollarë. Por Shamir shkoi në Kanada për dy javë. Celinas ju desh të shkëmbente afro 2 mijë mesazhe me të dhe të shkarkonte video. Pasi mori faturën Aarons tha “pyeta tre, katër herë. Seriozisht?. Isha duke qarë e duke bërtitur. Jeta ime mbaroi”. Duket se shërbimi roaming ka çuar faturën në atë masë dhe çdo megabyte është faturuar me 10 dollarë. Kompania që ofronte shërbimin telefonik pranoi ta reduktojë faturën në 2500 dollarë dhe i ka vënë kohë Celinas gjashtë muaj që ta paguajë.

E paska fituar bingon se prapthi kjo...

Po c'te thuash, eshte e pabesueshme!