Fëmijë për çiftin Rodriguez Corona

Belen Rodriguez dhe Fabrizio Corona me gjasë kanë tejkaluar çdo mosmarrëveshje mes tyre. Mediat italiane raportojnë se çifti është në pritje të një fëmije.

Sipas të përjavshmes "Oggi", fëmija i tyre do të lindë gjatë muajve të nxehtë të vitit të ardhshëm dhe modelja e famshme është vetëm në muajt e parë të shtatzënisë. Ndërkohë që kalon koha dhe harrohet pak nga pak buja e videos “hard” e cila përfundoi në rrjet pak muaj më parë, çifti nuk ka humbur kohë dhe ka vendosur të krijojë një familje.

E duket se këto nuk janë thjesht dhe vetëm thashetheme pasi këtë mendohet ta ketë konfirmuar vet paparaci italian, Corona. Vajza e spektakleve nga Argjentina, Belen Rodriguez ka vendosur kështu të bëhet nënë dhe fëmija mendohet se do të lindë në qershor ose korrik të vitit 2012. Në intervistën e fundit që ajo ka dhënë pak javë më parë ka pohuar në fakt se dashuria nuk është asgjë më shumë se sa dëshira për të krijuar një familje me partnerin dhe ja ku gjenden tani, vetëm pak muaj larg krijimit të një familjeje.