Kim Kardashian i kërkon ndjese familjes për shkurorëzimin

Pas letrës drejt fansave, vjen edhe “e-mail”-i i shkruar dhe i dërguar në adresë të familjes. Kim Kardashian ka përfunduar në mes të polemikave, pas shkurorëzimit të shpejtë me Kris Humphries, transmeton Ikub.

Kështu, pasi mblodhi rreth 12 milionë dollarë nga martesa tepër e fotografuar dhe e përfolur, amerikania me origjinë armene i dha lamtumirën tashmë ish-burrit, duke nervozuar jo vetëm fansat, por edhe familjarët, aq sa është dashur t’u dërgojë një ndjesë edhe atyre, diçka e bërë publike vetëm tani nga TMZ. “Preferoj ta merrni vesh nga unë – ka shkruar ajo ne ‘e-mail’ – sesa nga dikush tjetër, apo nga lajmet. E di që duket një çmenduri, por i kalova muajt e fundit duke luftuar për martesën time. Ndiej siklet të madh për faktin që mora secilin prej jush në këtë udhëtim bashkë me mua dhe për zhvillimin e një martese gjigante. Por më duhet të jem e lumtur, për këtë arsye duhet të largohem nga kjo marrëdhënie. Kris është një djalë fantastik, por vijmë nga dy botë të ndryshme. E nuk besoj se është më njeriu, që takova në fillim…”. Fjalë të qarta dhe disi paradoksale të dala nga goja e Kardashian, e cila për 72 ditë kaloi nga buzëqeshja e “PO”-së para altarit, tek dëshpërimi i periudhës së fundit. Duket se vetëm diçka nuk ka ndryshuar: aftësia e saj gjenetike për të “prodhuar” gjithmonë lajm.