Gomez, mbretëresha e mbrëmjes së MTV

Lady Gaga mund të jetë fituesja e katër çmimeve në mbrëmjen e “MTV”-së, zhvilluar në Irlandën e Veriut, por Selena Gomez ishte mbase njeriu që doli më i fituar nga mbrëmja.

Këngëtarja 19-vjeçare shkëlqeu në skenën e teatrit “Odyssey Arena”, ndërsa prezantoi mbrëmjen dhe këndoi në praninë e yjeve të muzikës, një këngë që tërhoqi veçanërisht vëmendjen për efektet e saj të mrekullueshme vizive.

E veshur me stil, adoleshentja i dorëzoi qetësisht të dashurit të saj 17-vjeçar, Justin Bieber, çmimin e “Mashkullit të Vitit”, ndërsa tregoi një profesionalizëm të rrallë gjatë prezantimit të të gjithë spektaklit.