Acide omega yndyrore edhe për fëmijët

Një studim i ri amerikan ka vërtetuar se dhënia shtesë e acideve omega yndyrore nuk është e rezervuar vetëm për popullatën e rritur.
Shkencëtarët kanë përcjellë 240 të porsalindur në Kansas dhe Dallas për një periudhë njëvjeçare, ndërsa kanë fituar rezultate mjaft interesante.

Të porsalindurit, formula ushqyese e të cilëve ishte pasuruar me DHA (Docosahexaenoic acid), kishin pasur mprehtësi më të mirë të të parit në krahasim me foshnjat të cilat ishin ushqyer me formulë që nuk e ka përmbajtur këtë acid.

Revista American Journal of Clinical Nutrition transmeton se për zhvillim nervor më të mirë dhe më pastaj për zhvillim më të mirë të shikimit, mjafton që formulës ushqyese t’i shtohet 0.32% DHA.

Sipas ekspertëve botërorë, tolerohet konsumimi ditor prej 100 mg DHA për fëmijët nga 7 deri 24 muaj, ndërsa shtatzënat dhe gjidhënëset mund të marrin deri në 200 mg në ditë DHA.