Whitney Houston rikthehet në kinematografi

Tashmë lajmi është bërë zyrtar dhe kjo faktohet edhe me foto. Whitney Houston i rikthehet kinemasë dhe mediat rozë publikojnë foto e para nga sheshi i xhirimeve në filmin “Sparkle”. Ngjarja zhvillohet në Detroit në vitet ′60 të shekullit të kaluar dhe drejtohet nga Salim Akil.

Ylli i popit ishte shkëputur që prej 15 vitesh nga kinematografia, që kur në vitin 1996 u publikua “The Preacher’s Wife”. Filmi i ri, do të publikohet në vitin 2012 dhe është një ripërpunim muzikal i atij të vitit 1976 në kohët e arta të Motown. Në film, këngëtarja do të jetë nëna e protagonistes Jordin Sparks. /albeu.com/