Whitney Houston në varfëri, jeton me borxhe

MILANO – Sipas faqes online në internet radaronline.com, këngëtarja Whitney Houston ka shpenzuar të gjithë pasurinë e saj dhe po përballet me probleme të shumta ekonomike.

Në shkrim citohen burime të afërta me këngëtaren, të cilët kanë bërë të ditur se Houston ka filluar të kërkojë para borxh tek miqtë e saj.
Sipas të njëjtave burime, këngëtarja ka marrë një paradhënie nga shtëpia diskografike me të cilën po bashkëpunon për albumin e saj të ri, i cili nuk dihet ende se kur do të dalë në treg.

Ndërkohë këngëtarja 48-vjeçare ka përgënjeshtruar lajmin duke theksuar se sapo ka mbaruar xhirimin e një filmi dhe nuk është aspak në vështirësi ekonomike.

Zëdhënësi i Houston i cilësoi lajmet si qesharake dhe totalisht false, duke shpjeguar se ylli i muzikës sapo ka hedhur pas krahëve problemet me drogën dhe ka mbaruar me sukses xhirimin e filmit "Sparkle".

(er.nu/corriere/BalkanWeb)

e pabesushme me duket per kyt kengetare te famshme