Koha për t'u vetëmbrojtur

Femrat nuk e kanë fuqinë fizike të një mashkulli, por kjo nuk i kthen ato doemos në viktima. Kurset e vetëmbrojtjes ofrojnë teknika që u japin avantazh grave ndaj çdo situate ku mund të ndihen të kërcënuara në rrugë.“Kam filluar këtë kurs sepse më duhej për të mbrojtur veten”, shprehet Hena.Hena e ka shtëpinë në Sanatorium dhe duhet të bëjë një rrugë të gjatë në këmbë vetëm kur kthehet nga puna. Një ngacmim nga një i dehur e ka bërë të mendojë se nuk do ishte keq të dinte ca lëvizje që do e nxirrnin nga situata të ngjashme, ndërsa Adriana deri më tani nuk ka pasur asnjë incident.“Në këtë botë që jetojmë mund të ndodhë gjithçka. Mua personalisht nuk më ka ndodhur gjë, por kam pasur shoqe që kanë përjetuar situata të pakëndshme”, tregon Adriana.

Kanë disa muaj që kanë filluar kursin e që tani e që tani ndihen të forta. Ja çfarë ju pret nëse ngacmoni Henën: “Grushta të fortë dhe disa lëvizje të shpejta që na i ka mësuar mjeshtri.”

A mendojnë ata vërtet që mund ta kapërcejnë fuqinë e një mashkulli?

“Nuk mund të them që bëj sherr me një mashkull apo e mund, por nëse më sulmojnë di disa teknika shmangieje. Është më tepër tek teknika dhe jo tek forca”, sqaron Adriana.

Dhe thonë pastaj se femrat janë seks i dobët…top chanel