Fotografitë shqiptare shikohen nga mijëra vizitorë

Mon 5 Dec 2011 - 13:32

23.11.2011 | 12:01
Tash një muaj e gjysmë në Shtëpinë Evropiane të Fotografisë, në Paris, është hapur ekspozita me mbi 50 fotografi autorësh shqiptarë, e emërtuar "Faqe të Arta të Fotografisë Shqiptare: 1858-1945".

Sipas burimeve qendrës më prestigjioze të fotografisë artistike në Evropë, ekspozita deri tani është vizituar nga mbi 80,000 vizitorë, përfshirë këtu ministrin francez të Kulturës, Frederique Miterand, kryetarin i Bashkisë së Parisit, Bertrand Delanoe, etj.

Ekspozita e fotografisë shqiptare fillon me Pietro Marubin, i cili në vitin 1850 hapi studion e parë fotografike në Shkodër dhe Shqipëri, ndonëse pjesë e saj janë edhe imazhe të shkrepura nga Kolë Idromeno, Vangjush Mio, Kristaq Sotiri, Dhimitër Vangjeli, Shan Pici, Lilo Xhimitiku, etj.

Ekspozita do të qëndrojë e hapur deri më 8 janar 2012. /express/