AKEP, çdo shqiptar ka nga dy numra celulari

Autoriteti i Komunikimeve Elektronike dhe Postare (AKEP) bën të ditur se deri në fund të 6-mujorit të parë 2011, numri i përdoruesve të telefonisë së lëvizshme arriti në afërsisht 4.74 milionë, e cila përbën një normë penetrimi (numri i përdoruesve për 100 banorë) prej 148 për qind, publikon gazeta ‘Shqip’. Numri i përdoruesve celularë i referohet numrit të kartave SIM aktive dhe normat e larta të përdoruesve për 100 banorë shpjegohen nga mbajtja prej një individi e më shumë se 1 karte SIM si dhe prej përdorimit të kartave SIM nga vizitorët në një vend. Sipas kreut të AKEP, Pirro Xhixho, me të dhënat e fundit rezulton se të paktën çdo përdorues ka nga dy numra telefoni celular. “Numri i përdoruesve është rritur rreth 200 mijë përdorues më shumë, krahasuar me numrin e pajtimtarëve të fund vitit 2010”, saktëson raporti.
Struktura e përdoruesve celulare, në përdorues me parapagim dhe me pas-pagim (kontratë), vazhdon të jetë pothuajse e qëndrueshme dhe në 6-mujorin e parë 2011, ku numri i përdoruesve me kontrate në raport me numrin total të përdoruesve celulare, është afërsisht 8.6 për qind.

te vije akepi te mua ve durt ne koke te shohe sa nr kam une