Grindje në mes të Love dhe Allen

Courtney Love e ka shqetësuar këngëtaren britanike Lily Allen gjatë ceremonisë së NME Awards, të mërkurën mbrëma, madje thuhet se Allen kishte filluar të qajë.
Liderja e grupit “Hole” kishte filluar të grindej me këngëtaren e hitit “Smile”, duke qenë se Allen më herët kishte shkruar komente ofenduese për vajzën e Love, Frances Bean Cobain, në faqen e saj në Twiter.com.
Një burim ka thënë se fillimisht dy këngëtaret kishin pasur një bisedë miqësore, ndërsa më pas gjërat ishin përkeqësuar dhe ato i kanë bërtitur njëra-tjetrës teksa kishin ndërhyrë disa të pranishëm për t’i ndarë.
Pas kësaj zënke Lily Allen është larguar nga ceremonia.