Rekordi Guinness, 638 tentativa per te vrare Fidel Kastron

Fri 16 Dec 2011 - 14:57

Ish-lideri i Kubës, Fidel Kastro ka hyrë në librin e rekordeve Guinness si njeriu me numrin më të madh të tentativave për ta vrarë.

Ish-presidenti 85-vjeçar ka qenë në shënjestër të "armikut" 638 herë në një hark kohor prej 47 viteve. Lajmin e ka dhënë faqja zyrtare Cubadebate.

“Lideri historik i revolucionit kuban, Fidel Kastro, është personi që është tentuar më shpesh të eliminohet, sipas librit të rekordeve Guinness dhe arkivave të CIA-s”, shkruan Cubadebate.

E famshme është edhe thënia e vetë Kastros se atë nuk mund ta vrasë askush ndaj ka një numër kaq të lartë tentativash të dështuara. Burimi: albeu.com