Rekordi Guinness: Kjo është shtëpia më e ndriçuar në botë!

Shtëpia e familjes Richards mban titullin e shtëpisë më të ndriçuar në botë me rastin e festave të fundvitit. Kjo shtëpi mban plot 331.038 llamba ndriçuese duke thyer rekordin Guinness.
Shtëpia ndodhet në Canberra të Australisë dhe i zoti i saj, David Richards ka punuar plot katër vjet për të mbajtur rekordin Guinness.

Ai tha se të gjithë paratë që u mblodhën nga vizitorët që kishin dëshirë të vizitonin shtëpinë e tij, shkuan për bamirësi në organizatën “Sids and Kids”. Madje ai u shpreh se e kishte për detyrë, pasi kjo organizatë e kishte ndihmuar në një moment të vështirë të familjes së tij.

Më poshtë do të gjeni dy video ku duket shtëpia e tij e ndriçuar. /alb-observer.com/