Kërkojnë ndalimin e filmit të Jollie

Kryetari i Shoqatës së Llogoristëve të Republika Srpska’s (RS), Branislav Djukic mendon se filmi i Angelina Jolie “In the Land of Blood&Honey” do të duhej ndaluar. Të gjithë të tjerët në BeH, përfshirë edhe presidentin e RS’së Dodik, shprehen kundër ndalimit të filmit.

Edhe pse pohon se ka parë vetëm disa sekuenca të filmit, Djukic qysh tani e di që “filmi shfaq vetëm gënjeshtra”, për shkak se serbët i portretizon si të vetmit që dhunuan femra gjatë luftës në Bosnje (1992-1995).

Premiera amerikane e filmit të parë të aktores Angelina Jolie, “Në Vendin e Gjakut dhe të Mjaltit”, është paraparë për datën 23 dhjetor. Pas parapremierës, kritika amerikane filmin e ka cilësuar si një portretizim të fuqishëm por edhe të vështirë të gjendjes së femrave gjatë luftës.

Për më tepër, pas shfaqjes private të tij në Sarajevë filmi është lavdëruar edhe, nga përfaqësuesit e shoqatave boshnjake të familjarëve të viktimave të luftës.

Ndryshe, filmi flet për dashurinë ndërmjet një serbi dhe një myslimaneje para luftës në Bosnje. Këta të dy takohen sërish gjatë luftës, por tani janë në anë të kundërta.

Në film luajnë Goran Kostic, Zana Marjanovic, Rade Serbedzija, Nikola Djuricko, Goran Jevtic, Milos Timotijevic, Branko Djuric, Ermin Pinjo, Fedja Stukan, Alma Terzic. Premiera botërore e filmit është më 23 dhjetor.