30 vjeçarja zgjohet pas 2 vjet e gjysmë nga koma

Një aksident trafiku ishte arsyeja, që Marina Spyriadi, një avokate e re, asokohe 28 vjec, u zhyt në “gjumë të thellë” për dy vjet e gjysem, me dëmtime të rënda të trurit.
Babai i vajzës, Stratis Spyriadis, i cili është një mjek anestezist, tha se ndihet me fat që fëmija e tij u rikthye në jetë, por denoncon spitalin që sipas tij, nuk e adresoi seriozisht gjendjen e vajzës, e cila u transferua “klinikisht e vdekur” në spital në Athinë.

Megjithatë, duket se vajza gjithë kohës luftoi me vdekjen dhe arriti të zgjohet përsëri e rë përballet me jetën.

Situata është përmirësuar, ajo ka filluar të marrë ushqim nga goja normalisht dhe përpiqet të flasë, por problemet janë të shumta dhe kanë të bëjnë me lëvizjen.

Siç shpjegon babai i saj, vajza duhet të bëjë disa kirurgji korrigjuese në këmbët, që i kanë ngrirë, pasi për më shumë se 2 vjet nuk bënë asnjë lëvizje.