Avokati shqiptar Ylber Dauti, në radhët e avokatëve milionerë

Ylber Dauti, anëtar i përjetshëm i Forumit të Avokatëve Milionerë dhe Multi-Milionerë në SHBA.Avokati shqiptar në New York, Ylber Dauti, po shënon një karrierë suksesesh në ngjitje. Edhe pse ka vetëm 10 vjet në SHBA, ai është i besuari i kompanive të fuqishme jo vetëm nga Amerika, por edhe nga Europa, Azia dhe Afrika. Avokati Dauti, përmes profesionalizmit juridik, shumë prej klientëve të tij, i ka kthyer në milionerë, duke fituar miliona dollarë për ta në çështjet gjyqësore, që ata e kanë besuar për zgjidhjen e konflikteve.
Janë disa çështje gjyqësore që kanë sjellë miliona dollarë për klientët e avokatit Dauti, përfshirë dhe kompani shumë të njohura në SHBA dhe kontinente të tjera. Një nga rastet për t’u përmendur është një çështje kundra një prej kompanive më të pasura në botë, Procter & Gamble. Dhe fitorja ishte në krah të avokatit shqiptar. Ky dhe të tjera suksese e kanë anëtarësuar avokatin shqiptar në forume të tilla të rëndësishme si “Milion Dollar Advocates Forum” si dhe në “ Multi-Milioner Dollar Advocates Forum”.
Sipas të dhënave zyrtare të Klubit të Avokatëve Milioner dhe Klubit të Avokatëve Multi-Milioner, më pak se 1% e avokatëve në të gjithë Amerikën i kanë përmbushur kriteret e arritjeve të suksesit profesional për t’u anëtarësuar me të drejta të plota në këto dy klube.