Aeroporti i Shkupit, kompania turke nuk aplikon gjuhën shqipe në portalin zyrtar

Shkup, 7 janar 2012, NOA – Informacionet dhe shkrimet në gjuhën shqipe
mungojnë edhe në portalin zyrtar të Aeroportit të Shkupit, që menaxhohet
nga kompania turke TAV.

Faqja zyrtare e Aeroportit
(http://skp.airports.com.mk/default.aspx?ItemID=408) vazhdojnë të jetë
vetëm në gjuhën maqedonase dhe angleze.

Reagimi është paraqitur nga mërgimtarë shqiptarë, të cilët për agjencinë
e lajmeve INA kanë theksuar se është e padrejtë që të mungojë versioni
në gjuhën shqipe, ku ata do të informoheshin lidhur me itinerarin dhe të
dhënat e fluturimeve.

“Është skandaloze kjo që po ndodh edhe nga turqit që kanë marrë në
menaxhim dhe pronësi të përkohshme aeroportin e Shkupit, i cili mbi 60
për qind shfrytëzohet nga shqiptarët sidomos emigracioni. Mendojmë se
duhet të bëhet me dije se megjithatë duhet të ketë version në gjuhën
shqipe, për t’u informuar për nevojat e udhëtimit", ka theksuar për INA,
emigranti N. Rrustemi nga Zvicra, i cili shfrytëzon për udhëtime
aeroportin e Shkupit.

Në Aeroportin e Shkupit mbizotërojnë edhe elemente të mbishkrimeve të
përgjithshme dhe materialeve reklamuese në gjuhën maqedonase, duke u
nisur nga mbishkrimi gjigand në hyrjen e portës së Aeroportit, që mban
emrin e Aleksandrit të Madh të Maqedonisë në alfabetin cirilik.

Emigrantët shqiptarë apelojnë që të përmirësohen këto probleme dhe të
sigurohet sa më parë informacioni në gjuhën shqipe, duke nisur nga
versioni në shqip i faqes zyrtare të Aeroportit.

INA/NOA

Ama kete miqesi tregojne turqit me ne?!

Turp...

Ska mbet asgj aty,,,,,,

per te quditur esht shqiptart e financojn aroportin e shkuptit amaqedont i deskriminojn ne gjdo aspekt po pse shiptart udhtojn me ket kompanin turke ne shkup a ne prishtine egzisto aroporti modern ah shiptar kur se kuptut ralitetin.