Në kërkim 26-vjecari që plagosi tre persona në Kamëz

Specialistë të Seksionit Kundër Krimeve ndaj Jetës dhe Lirisë së Personit, kanë nisur procedimin penal ndërkohë që po punohet për kapjen e shtetasit Klodian Avni Brahilika, 26 vjeç, banues Kamëz, i cili dyshohet si autor i plagosjes së tre personave.
Nga hetimet rezulton se ky shtetas të martën rreth orës 16:00, në Bulevardin Blu të Kamzës, ka qëlluar me armë zjarri në drejtim të automjetit “Volksëagen Golf.4”, për pasojë janë plagosur shtetasit, Ermal Llorja, Beqar Musaj, si dhe një kalimtar i rastit shtetasi Fiqiri Sulejman Koçi, 70 vjeç, banues në Kamëz.

Gjatë analizës së vendngjarjes u gjetën dhe u sekuestruan në cilësinë e provës materiale 10 gëzhoja model 56, të kalibrit 7.62 mm. Ndërkohë të shtënat e armëve kanë vënë në rrezik edhe nxënësit e shkollës, “Ibrahim Rugova”, ku u regjistrua kjo ngjarje, të cilët ndodheshin në mësim.