Barack Obama takon Angelina Jolie dhe Brad Pitt

Angelina Jolie dhe Brad Pitt janë takuar mbrëmë me Presidentin amerikan Barak Obama për të diskutuar së bashku çështje të caktuara, mbi luftën kundër dhunës ndaj grave, thanë zyrtarët e Shtëpisë së Bardhë.

"Në takim, Presidenti foli me Znj. Jolie për luftën e bërë kundër krimeve masive dhe dhunës seksuale ndaj grave," shpjegoi Jamie Smith, zëvendës zëdhënësi për presidencën e SHBA.

Ky takim nuk ishte në axhendën zyrtare të zotit Obama dhe shtypi nuk u ftua, por gazetarët i panë aktorët nga dritaret e Zyrës Ovale.

Angelina Jolie sapo ka përfunduar xhirimin e filmit të saj të parë si producente, "Në tokën e gjakut dhe mjaltit", që tregon tmerret e luftës në Bosnje (1992-1995), sidomos brutalitetin e vuajtur nga gratë.

Rreth 20.000 gra, kryesisht myslimane, u abuzuan seksualisht gjatë luftës në Bosnje, ndërsa rreth 100.000 njerëz u vranë aty.

Filmi tregon edhe dashurinë e një muslimaneje të re (Zana Margianovits) dhe një serbi (Goran Kostits) të vendosur në kampe pas shpërthimit të konfliktit.

(a.jole/balkanweb)