“Megaupload”, sekuestrohet koleksioni i makinave të hackerit

Wed 25 Jan 2012 - 17:26

ZELANDE E RE - Pas mbylljes së websitit “Megaupload” dhe arrestimit të themeluesit të saj , Kim Schmitz, policia në Zelandën e Re sekuestroi pronat e këtij të fundit, duke përfshirë edhe koleksionin e makinave të tij luksoze.
Pasuria e gjermanit është e pallogaritshme, por aktualisht janë sekuestruar disa nga pronat e tij në të gjithë botën, me vlerë 175 milionë dollarë.

Mes këtyre pronave ka rënë në sy një koleksion makinash luksoze, ku përfshihen 16 Mercedes tipe të ndryshme, një Rolls-Royce Phantom, dy Cadillac të vitit 1957 dhe 1959, një Maserati GranCabrio, një Lamborghini, 2 Mini dhe një Harley Davidson.

FBI-ja e arrestoi gjermanin Kim Schmitz pak ditë më parë, nën akuzën e shkeljes së të drejtave të autorit, përmes shfaqjes së paautorizuar të filmave në internet. Sipas FBI-së, Schmitz ka shkaktuar në total një dëm prej 500 milionë dollarësh nga pirateria e filmave.

Emri i Kim Schmitz është i njohur edhe për të apasionuarit e makinave, pasi ai është fituesi i garës rally “ Gumball 3000” në vitin 2001.

(er.nu/BalkanWeb