Sekuestrohet 1.5 kg vaj kanabisi e 4 kallëpe tritol në Durrës

DURRËS—Lajmifundit-- Katër kallëpe me lëndë plasëse dhe një sasi e konsiderueshme lënde narkotike. Policia e portit të Durrësit njoftoi sot se është bërë arrestimi në flagrancë për veprën penale të trafikimit të lëndës narkotike i shtetasit Kristian Malili, 20- vjeç, banues në Tiranë. Gjatë kontrollit të ushtruar në autoveturën që ky shtetas drejtonte tip Audi-A4, me targa BR935BA u gjet dhe sekuestrua sasia prej 1 kilogram e 513 gram lëndë e dyshuar si narkotike e llojit vaj kanabis, 9.2 gram lëndë e dyshuar si lëndë narkotike e llojit kokainë. Efektivat policore kanë arrestuar në flagrancë edhe shtetasin Gëzim Allushi 46 vjeç, banues në bashkinë e Kamzës, të cilit i janë gjetur 4 kallëpe lëndë plasëse bashkë me një fitil zjarrpërcjellës në të cilin ishte vendosur një kapsollë detonatore.