Vajza që i shpëtoi ngujimit 10 vjeçar nga i ati, më në fund pa sërish diellin

Vajza palestineze e cila ka qenë e mbyllur në një dhomë të errët prej 10 vjetëshj nga i ati, tashmë e shpëtuar nga forcat e policisë palestineze Baara Melhem rrëfen historinë e saj. Ajo u shpreh si i ati e keqtrajtonte, e kërcënonte se do t’a përdhunonte gjersa ajo të ngelej shtatzanë. Ndërkohë që darkave e detyronin të pastronte gjithë shtëpinë duke më pas e mbyllur në një dhomë të vogël të errët. Ushqimi i vetëm që i jepnin ishte pak bukë, vaj dhe një kokërr mollë çdo ditë. Sipas Baarës ajo çka e ka mbajtur gjallë ka qenë një radio e vogël e dhuruar para shumë vitesh nga i ati si dhe dëshira për të parë sërish dritën e diellit. Vajza tashmë jeton më të emën e cila prej kohësh ishte ndarë më të atin për shkak karakterit të tij. Ndërkohë që pjesë e vazhdueshme e abuzimeve me të ishin edhe shtysat që ajo të vriste veten pasi nuk i shërbente askujt. Më në fund Baara mund të shijojë lirinë e saj, si dhe shpreson që një të ardhme të vazhdoj studimet për psikologji në mënyrë që të ndihmojë njerëzit që kanë kaluar eksperienca të tilla./shqiptarja/ Burimi i lajmit: /rtvfan.net/