Molla e Evës dhe Adamit në rrezik zhdukjeje!

TIRANË- ‘Eden’, është parajsa e rrëfimit Biblik, të cilin e imagjinojmë si një kopësht të mbushur me lule dhe fruta. Një vend paqeje për shpirtin e njeriut. Por, mbase duhet ta imagjinojmë si një vend të ngjashëm me pyjet e maleve të Kazakistanit, pasi aty rritet ‘Malus sierversii’, pema antike e egër, me frutin e ndaluar të së cilit u ushqye Eva. Për ironi të fatit është pikërisht kjo pema, të cilin njerëzimi duhet ta falenderojë, pasi nga ajo mësohet se rrjedhin të gjitha llojet e frutit të mollës me të cilën njerëzimi ushqehet sot. Në sajë të këtyre fakteve, pema duhet të ruhet me shumë kujdes. Por, shoqata ‘Alma’, denoncon faktin se pyjet të cilat kanë mollë të egra të prejardhura nga, ‘Malus sierversii’, janë në rrezik zhdukjeje. Motivi është gjithmonë i njëjtë, veprimataria njërëzore, e cila ka shkatërruar 70% të tyre. Organizata i shton këtij faktin mungesën totale të interesit për speciet vegjetariane që rrethojnë shoqërinë tonë.

“Molla e Eden”, është një frut i egër nga më të cmuarit. Organizata ‘Alma’ thekson cilësitë që ky frut ka për njerëzit. Kjo mollë nuk i nënshtrohet përpunimit ashtu sic bëhet më frutat e tjerë, duke ndikuar në shëndetin e njerëzve direkt si antitrup ndaj sëmundjeve të ndryshme me të cilat ato përballen cdo ditë. Sipas Corriere della Sera fruti i mollës i nënshtrohet përpunimit ku i shtohen rreth 35 pesticide.
Organizata shton se packa këtyre fakteve pema e ‘mollës së Eden’ është edhe dekorative pasi ajo është e lartë 20-30 metra dhe e gjerë 2 metra, dhe me gjethe të cilat gjatë stinës së vjeshtës qëndrojnë gjithmonë të skuqura.

Me pak fjalë ‘Malus sierversii’, nga i cili rritet molla e Evës dhe Adamit është një diamant i natyrës që meriton të mbrohet me konsideratë të lartë për elementët e saj historikë, kurues dhe dekorativ.
(el.me/BalkanWeb)