Denoncimi; Dy persona lakuriq, pasdite në mes të ish-Bllokut

Tiranë, 28 Janar 2012 NOA – Dy persona të zhveshur krejt lakuriq në mes të ish – Bllokut, në pikun e orëve të qarkullimit.

Kalimtarë të rastësishëm pohuan se denoncimi i rrallë është bërë në Policinë e Tiranës nga një qytetar i cili sipas tij, kishte konstatuar se në ish- Bllok, tek vila 30, gjendeshin dy persona të zhveshur lakuriq. Ai madje ka kërkuar ndihmë nga policia që të largojë njerëzit e zhveshur nudo.

Lidhur me këtë denoncim, nga policia e Tiranës nuk është dhënë asnjë konfirmim.

Gjithsesi qytetarë në bllok pohuan se në orën 19.00 të ditës së premte, në ish-Bllok pranë vilës nr 30 kanë mbërritur forca policore për të verifikuar pikërisht denoncimin e bërë nga qytetarët për dy persona të zhveshur lakuriq.

e.t/NOA