Zona e ish-Bllokut, hiqet konstruksioni metalik, rrinte prej vitesh i mbuluar

Albina Hoxha

Policia bashkiake pasditen e djeshme është rikthyer në zonën e ish-bllokut, pranë ish-pub Manhatan në një aksion për lirimin e hapësirave publike. Ky operacion, i cili u cilësua “një operacion rutinë” nga zyra e shtypit pranë bashkisë, është zhvilluar nën mbikëqyrjen e forcave të policisë së rendit.

Bashkia ka liruar trotuarin nga një konstruksion metalik që qëndonte prej vitesh i mbuluar në këtë zonë në qendër të Bllokut, pranë Kuvendit të Shqipërisë. Aksioni në fjalë kishte nisur disa ditë më parë, por u ndërpre për shkak të rreshjeve të shiut. Dje rreth orës 20.00 të mbrëmjes, konstruksioni metalik, dikur pub Manhatan është çmontuar krejtësisht.