Policia: Ne Lazarat ka kanabis

Policia e Gjirokastres pranon se ne Lazarat ka parcela te mbjella me bime narkotike, nderkohe qe nuk eshte ndermarre ndonje aksion per asgjesimin e tyre.

Ndonese gjate dy muajve te fundit, Jugu i vendit eshte vene ne “siten” e policise, ne Lazarat, qe njihet si “zona me e nxehte” e vendit per kultivimin e kanabisit, uniformat blu nuk kane marre ende ndonje aksion.

Droga eshte pikasur nga ajri gjate nje aksioni vezhgimi me helikopter. Ka qene nje mjet transporti ajror i Policise se Shtetit qe ka qarkulluar dje, gjate mesdites, ne qiellin e Qarkut te Gjirokastres.

Fillimisht helikopteri ka fluturuar mbi zonen e Kurveleshit, ne Tepelene, ku eshte vezhguar situata nga ajri, pastaj drejtimi ka kaluar ne juglindje ne Permet dhe ne fund, ne Gjirokaster ku ekspertet e antidroges jane perqendruar ne “zonen e nxehte” te Lazaratit.

Per gati 60 minuta helikopteri ka zhurmuar ne qytetin e Gjirokastres, kryesisht ne anen jugperendimore, duke kryer vezhgime nga ajri. Pjese e inkursionit kane qene edhe fotografimet, te cilat duket se jane hapi fillestar i identifikimit te zonave te mbjella me bime narkotike ne fshatin Lazarat.
Drejtori i Policise se Gjirokastres, Arben Hyseni, ka pranuar se ne Lazarat jane pikasur parcela te mbjella me bime narkotike, por, sipas tij eshte arritje fakti se eshte vene re se me kete “kulture” jane mbjelle 60 per qind me pak siperfaqe, ne krahasim me vitin e kaluar. Sipas tij kjo ka ardhur fale masave parandaluese te ndermarra nga forcat policore muaj me pare, qe ne fazen e rritjes se bimes narkotike.

Vezhgimi nga ajri dhe fotografimet e kryera dje nga helikopteri i Policise se Shtetit mendohet te sherbejne per gjetjen e pikave identifikuese, qe do te ndihmojne gjate nderhyrjes ne terren te policise per asgjesimin e parcelave me bime narkotike. Deri me sot, gjate pese operacioneve te ndermarra nga Policia e Gjirokastres ne territorin e Jugut, eshte bere gjetja dhe asgjesimi i mbi 5500 rrenjeve kanabis, nderkohe qe ne fshatin Lazarat, uniformat blu nuk kane ndermarre ende ndonje operacion te tille. Aksionet e deristanishme kane pasur per qellim vetem bllokimin e autoboteve me uje dhe makinave qe transportonin pleh per ne fshatin e Lazaratit.

Nderkaq, pak dite me pare, nje aksion i ngjashem eshte zhvilluar ne Qarkun e Beratit. Nje inspektim nga ajri ne zonat malore te Qarkut te Beratit, beri zbulimin e 250 rrenjeve kanabis sativa te mbjella ne fshatin Terpan te rrethit te ketij rrethi. Inspektimi nga ajri kishte evidentuar pese vatra, por pas nderhyrjes ne terren te agjenteve te antidroges, u pa se vetem dy prej vatrave te identifikuara ishin te mbjella me lende narkotike, ndersa tre te tjera rezultuan te mbjella nga banoret me perime te stines.

ha ha ha ca lajmi 5 vatra me kanabis e tre vatra me qep e domate