Ngjitja epike e dy britanikëve

Dy britanikë fituan vëmendjen e shtypit duke u shdnërruar në njerëzit e parë që arritën të ngjiteshin në një shkëmb 60 metra të lartë, vetëm nëpërmjet kapjes në një kanal të ngushtë në pikën ku dy faqe mali bashkoheshin.

32-vjeçari Tom Randall dhe 20-vjeçari Pete Whittaker arritën të sfidonin të gjithë ligjet e gravitetit duke u ngjitur nëpërmjet “ngecjes” së një prej gjymtyrëve të tyre në kanalin e ngushtë, duke avancuar me këmbën ose dorën tjetër, në shkëmbin e famshëm të ndodhur në Jutah, SHBA.

Përpara se të realizonin këtë ngjitje epike, ata krijuan një replikë të asaj që duhet të përballonin në një pjesë të banesës së tyre në Shefild, ku nisën të ushtroheshin vazhdimisht.

Megjithatë, siç vërtetuan dhe fotografitë e mrekullueshme të marra nga ngjitja e mrekullueshme, asnjë stërvitje nuk mund të të përgatiste për sfida të tilla si ecje me kokë poshtë, duke mos përfunduar në greminë vetëm nga njëra këmbë e ngecur me kujdes në kanal.