Keqtrajtonte kafshët, mbyllet thertorja

Autoritetet australiane mbyllën një thertore në qytetin e Sidneit pas publikimit të një video që tregonte sjelljen mizore të punonjësve të saj ndaj kafshëve.

Video publikohet 1 vit pasi Australia ndërpreu eksportin e bagëtive në Indonezi, pasi në këtë vend, kafshët trajtoheshin mizorisht. Mediat australiane që publikuan videon e thertores i komentuan pamjet si mizore.

Pas mbylljes së thertores polivia ka nisur hetimet për atë që konsiderohet si rasti më i dhunshëm ndaj kafshëve që regjistrohet në Australi. Autoritetet premtuan ndëshkime shembullore për rastin në fjalë dhe për të tjera që mund të ndodhin në vend.

Megjithëse mizoria ndaj kafshëve është një fenomen i dënueshëm në cdo vend, është paksa iracionale të flasësh për një trajtim dinjitoz të tyre, në kohën kur gjenden në një thertore?!