Bankingnews: Më 23 mars, Greqia falimenton zyrtarisht, mblidhni ushqime për gjashtë muaj

Dhe bomba e shumë pritur gati të plas!
Hera e parë, kur shtypi grek i referohej hapur një date të mundshme për falimentimin e Greqisë, ishte më 20 janar, kur gazeta “ΣΤΟΧΟΥ” në kryeartikullin e saj kishte përcaktuar datën 20 mars, si datën e falimentimit zyrtarë të Greqisë.
Edhe pse ky kryeartikull kaloi në heshtje pa i kushtuar rendësin e duhur, tashmë “bomba plasi”, pasi pak orë më parë mediat elektronike greke, ndër to dhe sajti zyrtar http://www.bankingnews.gr , i referohen një raporti sekret për Greqinë që tashmë ndodhet në duart e bankierëve amerikanë.
Në të thuhet qartë se Greqia më 23 mars falimenton.
Sipas të dhënave të fundit të marra nga sajtet zyrtare të bankave amerikane, bankierët amerikanë kanë në duart e tyre një raport i cili përcakton të gjitha hapat, veprimet dhe zhvillimet që do të vijojnë në Greqi.
Titulli i këtij raporti i cili ka tronditur themelet e sistemit bankar në gjithë botën është: “Greek default exclusive: Senior US bankers given explicit timetable for Athens default”.
Sipas këtij raporti, tashmë është vendosur se të tre Agjencitë e Vlerësimit Financiar, S&P, Moody’s dhe Fitch, më 23 mars do njoftojnë zbritjen e Greqisë në kategorinë e falimentimit.
“Greqia zyrtarisht do të zbres në kategorinë e falimentimit nga tre agjencitë e vlerësimit financiar, më 23 mars, ditën e premte. Fundjavën që do pasojë të gjitha llogaritë bankare të bankave greke, do të ngrijnë, ndërkohë që do të vijojë njoftim -i hollësishëm- i marrjes së masave emergjente për përballimin e gjendjes, me qëllim që të evitohet transferimi masiv i depozitave në vende të tjera”, thuhet ndër të tjera në këtë raport.