Afganistan, vriten gjatë një sulmi 2 komando shqiptarë

Mon 20 Feb 2012 - 18:12

HERAT- Dy komando shqiptarë janë vrarë pas një sulmi të ndodhur sot në Herat të Afganistanit. Mësohet se komandot shqiptarë janë pjesë e misionit paqeruajtës të NATO-s.

Ministria e Mbrojtjes zbardh identitetin e komandove, ata janë Feti Vogli dhe Aleksandër Peci. Kjo është hera e parë që dy komando shqiptarë humbin jetën në misionet paqeruajtëse në Afganistan.

NJOFTIMI I MINISTRISE SE MBROJTES
Sipas njoftimit paraprak te ardhur ne Shtabin e Përgjithshëm te Forcave të Armatosura të RSH, sipas raportit të dhënë nga Komandanti i Kontingjentit “EAGLE-4” N/Kolonel Behar MARA, të trupave tona me mision në Afganistan, bën me dije se:
Më datë 20.02.2012, ora 15:05 lokale në fshatin Robot 2, Kandahar Grupi i 1-rë Special, i drejtuar nga Kapiten Feti Bedri VOGLI, si dhe një grup nga Bat.2-38 CAV, gjatë kryerjes së detyrës, “Patrullim dhe sigurim i personelit të shërbimit të inteligjencës dhe USAID-it”, me mision, kryerja e një takimi, për të bërë të mundur hapjen e dy shkollave dhe një qendre shëndetësore në këtë fshat, papritur në drejtim të tyre është hapur zjarr nga efektiva të policísë lokale (sipas të dhënave paraprake është hapur zjarr nga 5 armë automatike (Aut.Mod.56) dhe një mitraloz i lehtë.
Gjatë shkëmbimit të zjarrit janë plagosur 3 ushtarakë, një ushtarak i një vendi aleat dhe dy ushtarakë të Kontingjentit “Eagle-4”.
Komandanti i Grupit të 1-rë Special Kapiten Feti Bedri VOGLI dhe N/Tetar Aleksandër Jak PEÇI (specialist armatimi në këtë grup), kanë marrë plagë të rënda dhe kanë ndërruar jetë në spitalin Rol 3 në Kandahar.
Grupi në detyrë, ka bërë arrestimin e 11-të policeve afganë, të cilët kanë hapur zjarr në drejtim të efektivave tona.

(ma.ar/BalkanWeb)

Mon 20 Feb 2012 - 18:15

GJYNAH ikin per disa leke me shume dhe lene koken ne nje vend te huaj

Afganistan, vriten gjatë një sulmi 2 komando shqiptarë

Afganistan, vriten gjatë një sulmi 2 komando shqiptarë

Re: Afganistan, vriten gjatë një sulmi 2 komando shqiptarë