Viruset “kërcënojnë” institucionet e shtetit

Ministria e Administratës Publike/Departamenti i e-Qeverisjes dhe Proceseve Administrative lë pa antivirus institucionet e Republikës së Kosovës.
Burime të “Tribuna Shqiptare” brenda Ministrisë së Administratës Publike, kanë thënë se sistemi për mbrojtje nga viruset ka skaduar qysh në muajin dhjetor të vitit të kaluar.

Sekretari i Përhershëm në MAP, Fitim Sadiku, në një prononcim për gazetën nuk dukej shumë i shqetësuar për mungesën e antiviruseve.

“Kur s’ka virus, s’ka nevojë as për antivirus”, ka thënë Sadiku, i cili duket se e dinë ‘kur do të sulmohet sistemi informative i institucioneve nga viruset’. /Telegrafi/