Spahiu i kërkon interpelancë Berishës: Je i varur nga grekët!

TIRANE- Kreu i Aleancës Kuq e Zi, Kreshnik Spahiu në një deklaratë për mediat i kërkon interpelancë kryeministrit Berisha, në lidhje me takimin e tij me kreun e partisë greke Demokracia e Re, Antoni Samaras.

“Sot Aleanca KuqeZi ka një apel për Kuvendin e Shqipërisë, apel që kuvendi dhe deputetët e tij të thërrasin në interpelancë kryeministrin e vendit Sali Berisha. Është momenti që Kuvendi i Shqipërisë të zbardhë përpara opinionit publik, përpara shqiptarëve detajet e takimit të kreut të ekzekutivit shqiptar me kreun e “Neodemokracia’s” së Greqisë Antoni Samaras", thuhet në deklaratë.

Kreshnik Spahiu kërkon të zbardhet takimi mes kryeminstrit e Samaras, i datës 12 dhjetor 2011, ku gjatë Kongresit të Partisë Popullore Evropiane kryeministri i Shqipërisë Sali Berisha zhvilloi një takim me Antonis Samaras, kreun e partisë së djathtë opozitare greke Demokracia e Re. Sipas mediave, Kryetari i Partisë Demokracia e Re, Samaras i propozoi asokohe Berishës, që dy vendet të shqyrtojnë përsëri marrëveshjen për përcakimin e kufijve të zonave detare dhe të shelfit kontinental midis tyre.

Sipas Kreshnik Spahiut, në interpelancë kryeminstri Berisha duhet të përgjigjet për “pazarin që ka bërë me Samaras, se cfarë premtimesh i janë bërë në këmbim të kufirit detar”, sic shprehet kreu i Aleancës Kuq e Zi.

Spahiu deklaroi më tej se ngritja e komisionit hetimor për të ka qënë një porosi e Athinës, që Berisha e bëri realitet. Ai nuk kursen sërish akuzat për kryeminstrin Berisha, duke e qajtur atë antishqiptar e lider krokodil.
“Berisha është peng i të sotmes dhe i të ardhmes. Do ta mbysim liderin krokodil me detin e votave kuqezi. Berisha është i varur nga nacionalistët grekë”, tha Spahiu.

Duke kërkuar largimin e qeverisë së tij, Spahiu akuzoi atë e kryeminstrin e Kosvës, Hashim Thaci se janë kundër bashkimit të Shqipërisë e Kosvës.
“Berisha e Thaçi antishqiptarë. Ata janë kundër bashkimit. Ka ardhur koha që të largojmë qeverinë antishqiptare”, shtoi kreu i AK-së.
Spahiu shtoi se, “edhe sulmet e PS ndaj meje, frikë nga Aleanca Kuq e Zi”.

ky do jete kryeminister i ardhshem i shqiperise