Ka vdekur akademik Tomë Berisha, ngushëllon Thaçi

- Kryeministri i Republikës së Kosovës, Hashim Thaçi i ka dërguar një telegram ngushëllimi familjes Berisha, me rastin e vdekjes së veprimtarit të njohur, ushtarakut Tomë Berisha.

Me pikëllim të madh morëm lajmin që ndërroi jetë familjari juaj, atdhetari, intelektuali, ushtaraku, akademik Tomë Berisha, thuhet në telegramin ngushëllues të kryeministrit Thaçi.

“Jeta dhe veprimtaria e Tomë Berishës në të gjitha periudhat ishte në shërbim të çlirimit, të pavarësisë dhe të zhvillimit të Kosovës dhe të gjitha trevave shqiptare.

Roli mbështetës i gjeneral Tomë Berishës gjatë luftës së Ushtrisë Çlirimtare të Kosovës kishte rëndësi të madhe në organizimin e suksesshëm të radhëve të UÇK-së.

Atdhetari Tomë Berisha do të mbetet përherë në kujtesën tonë si një nga personalitetet, që me dijen dhe guximin e tyre kombëtar dhe intelektual dhanë gjithçka për avancimin e gjithanshëm të kombit shqiptar”, përfundon telegrami i kryeministrit.