Foto të rralla të njerëzve të famshëm!

March 5th, 2010Në ndjekje të magjistareve




Nga Lorena Stroka

Më 1 mars 1692, tre gra u drejtuan drejt mjediseve të burgut me akuzën e magjisë. Në Salem (Massauchetes), dy vajza filluan të shfaqnin sjellje të çuditshme. Flisnin përçart, fshiheshin nën tavolina e karrige të ndryshme dhe tërhiqeshin zvarrë dyshemeve të pista. Asnjë mjek nuk arrinte të jepte një shpjegim të qartë lidhur me simptomat e tyre, deri sa njëri prej tyre tha se vajzat ishin të demonizuara. Të tre gratë që u akuzuan për këtë ishin: një lypëse, një e moshuar dhe një skllave. Gratë në fjalë hynë menjëherë në burg. Vijuan dhe dhjetra të tjera, dhe ndërsa burgjet e Salemit, të Bostonit dhe zonave përreth u tejmbushën me to, rezultoi një problem tjetër. Për mungesë të kornizës legjislative, të gjitha ato të burgosura nuk mund të dënoheshin. Zgjidhjen e dha në fund të muajit maj qeveritari mbretëror i Massauchetes, duke vendosur krijimin e një gjykate të veçantë. Ndërkohë, që numri i grave të akuzuara kishte arritur në 80, shumë prej të cilave ishin sëmurur. Me procedura të shpejta, të gjitha të burgosurat u gjetën fajtore dhe u dënuan me vdekje. Vetëm ato që pranuan fajësinë e tyre dhe zbuluan emrat e e fajtorëve të vërtetë i shpëtuan ekzekutimit. Gjatë verës, 19 njerëz u varën, midis të cilëve një ministër i respektuar dhe një ish polic i cili refuzoi të vazhdonte arrestimin e magjistareve të supozuara. Gjyqet e magjistareve sollën pasoja të rënda në të gjithë zonën. Të ardhurat vjetore u harruan fushave dhe kafshët mbetën pa zot, të gjithë ata që trembeshin se mos arrestoheshin braktisën shtëpitë e pasuritë e tyre dhe u larguan për në Nju Jork, aktiviteti tregtar mbeti pas, ndërsa ekzistonin informacione se Indianët përgatiteshin për të revoltuar. Gjyqet ndaluan më 3 tetor 1692, me vendim të qeveritarit të Massauchetes, pas kërkesës së realizuar të një grupi klerikësh nga Bostoni. Megjithatë, ata që ishin burgosur nuk u lanë të lirë para pranverës së ardhshme…

2010 Ndalohet ribotimi i shkrimit pa lejen e autores.
Të ndryshme No Comments »


March 5th, 2010Britanikët rikthejnë 25000 antika në Egjipt





Nga Lorena Stroka

Rikthim në atdhe u realizua për plot 25 000 objekte antike, të epokës së gurtë, të cilat deri kohët e fundit gjendeshin në Britaninë e Madhe. Të mërkurën disa nga objektet antike, të paketuara në 85 kuti, mbërritën në aeroportin e Egjiptit, sipas një deklarate të qeverisë Egjiptiane. Rikthimi i këtyre pjesëve është rezultat i negociatave të gjata me Universitetin e Londrës, sipas kryetarit të Këshillit të Lartë të Antikave të Egjiptit, Zahi Hawass. Midis objekteve antike gjendet një hanxhar prej guri rreth 200 000 vjeçar, por edhe një qeramikë që nga shtatë mijë vjeçari para lindjes së krishtit, objekte të cilat mbajnë shenjat e gishtrinjëve të krijuesëve të tyre. Objektet antike do të ekspozohen në Muzeun Ahmed Fahri, i cili ndodhet në ndërtim e sipër.
Bota No Comments »


March 2nd, 2010Fëmijë me lëkurë… peshku!





Nga Lorena Stroka

Komunitetin mjekësor në Kinë ka befasuar rasti i një foshnjeje 14 muajsh, i cili nxjerrë… luspa. Specialistët mendojnë se vogëlushi Song Sheng nga Kina Lindore ndoshta vuan nga një sëmundje e rrallë gjenetike, gjatë së cilës trupi nuk merr dot frymë. Djali fatkeq filloi të “shfaqte” lëkurë peshku disa ditë pas lindjes së tij, për shkak të mungesës së poreve. Mjekët pohojnë se nga që Song nuk mund të djerësijë dot, lëkura e tij plasaritet, ashpërsohet dhe ngjan me “luspa peshku”. Kështu, familja e vogëlushit mundohet të kontrollojë vazhdimisht temperaturën e trupit, duke e larë me… akull. “Ka dhembje të tmerrshme gjatë gjithë kohës dhe në rast se nuk kemi akull të mjaftueshëm i rritet temperatura“, deklaron i ati i fëmijës, Song Dehui. Megjithatë mjekët thonë se deri tani nuk ka asnjë lloj trajtimi për sëmundjen në fjalë, fakt që i vështirëson gjërat akoma më shumë.
Bota No Comments »


February 26th, 2010Mikrobet në enciklopedi




Nga Lorena Stroka

“Materialin e errët” të biosferës, domethënë mikrobet, do të mundohen të regjistrojnë për herë të parë në një enciklopedi shkencëtarët Amerikanë, me pjesëmarrjen e kolegëve Grekë dhe Gjermanë. Toka përmban baktere të shumta në brendësi dhe sipërfaqen e saj, shumë prej të cilave janë krejtësisht të panjohura për një pjesë të madhe të shkencëtarëve në nivel botëror. Përkundër faktit se ata kanë dekodifikuar mjaft elemente gjenetike të mijëra mikrobeve, hulumtuesit argumentojnë se ka shumë të tjera të cilat ende nuk janë hetuar. “Mikrobet qeverisin botën, kaq thjesht”, zbulon Akademia Kombëtare e Shkencave të Shteteve të Bashkuara të Amerikës. Sipas hulumtuesve përpjekja në fjalë përbën një triumf të vërtetë shkence. Kohët e fundit, pa dritën e botimit nga Instituti i përbashkët i Gjenomit të Ministrisë së Energjetikës, volumi fillestar ”Enciklopedia Gjenomike e Baktereve dhe Antikave” (GEBA) nën udhëheqjen e pedagogut të Universitetit të Kalifornisë, Jonathan Eisen.
Enciklopedi mjekësore No Comments »


February 24th, 2010Duhanpirja kundra IQ (treguesit të inteligjencës)




Nga Lorena Stroka

Duhanpirësit kanë IQ më të ulët se jo-duhanpirësit, dhe sa më shumë duhan që të pijë dikush aq më i ulët do të jetë treguesi i inteligjencës së tij, të paktën këtë gjë tregoi studimi që u realizua tek 20. 000 ushtarë Izraelitë. Të rinjtë që pinin mbi 1 paketë cigaresh në ditë kishin 7.7 pikë IQ më të ulët në krahasim me jo-duhanpirësit, zbuloi Dr. Mark Weiser nga Sheba Medical Center, në Tel Hahomer. Adoleshentët me IQ më të varfër mund të vihen në shënjestër të programeve që do të synojnë parandalimin e duhanpirjes. Megjithëse ekzistojnë indikacione lidhjeje midis duhanpirjes dhe IQ së ulët, shumë hulumtime janë bazuar në teste zgjuarësie që u realizuan gjatë periudhës fëminore dhe kanë përfshirë gjithashtu individë me probleme shëndetësore dhe sjelljeje, që mundësisht pijnë duhan dhe kanë IQ të ulët, thekson ekipi i Weiser. Hulumtuesit ekzaminuan 20. 211 të rinjë, 18 vjeçarë ushtarë Izraelitë. Grupi nuk përfshinte askënd me probleme serioze të shëndetit mendor. Sipas kërkuesëve, 28% e pjesëmarrësve në sondazh pinin të paktën 1 cigare në ditë, 3% e tyre ishin ish-duhanpirës dhe 68% e të rinjëve nuk kishin provuar kurrë cigare. Duhanpirësit ishin më pak të aftë ndaj testeve të inteligjencës në krahasim me jo-duhanpirësit dhe po e njëjta gjë ndodhte akoma edhe kur hulumtuesit merrnin parasysh nivelin socio-ekonomik siç u mat në bazë të viteve të studimeve që kishte plotësuar i ati i vullnetarëve. IQ mesatare për jo-duhanpirësit ishte rreth 101, ndërsa për meshkujt që kishin filluar duhanpirjen para moshës 18 vjeç ishte veç 94. IQ ndiqte rënie të qëndrueshme ndërsa rritej numri i cigareve, nga 98 tek njerëzit që pinin nga 1 deri në 5 cigare në ditë arrinte deri në 90 te të tjerët që pinin një paketë në ditë. IQ që variojnë nga 86 deri në 116 konsiderohen se tregojnë inteligjencë mesatare. Pjesëmarrësve nuk u lejohet të pijnë duhan para se t’i nënshtrohen testit të inteligjencës, bëjnë të ditur hulumtuesit, mundësisht simptomat e mungesës së duhanit ndikojnë në uljen e pikëve. Për të trajtuar çështjen, testuan gjithashtu IQ tek meshkujt që nuk kishin pirë duhan para moshës 18 vjeç, por vetëm gjatë shërbimit ushtarak. Këta individë kishin gjithashtu IQ të ulët në krahasim me ata që nuk kishin provuar kurrë duhan në jetën e tyre, duke treguar kështu se mungesa e nikotinit ndoshta nuk ishte shkaku i ndryshimit. Hulumtuesit bashkë-krahasuan IQ e 70 vëllezërve ku njëri vëlla ishte duhanpirës dhe tjetri jo. Më pas, konstatuan se vëllezërit që nuk pinin cigare kishin IQ më të lartë se të tjerët që ishin duhanpirës të rregullt. Zbulimet tregojnë se njerëzit me IQ të ulët kanë më shumë probabilitete për të zgjedhur duhanpirjen, pavarësisht se ajo i bën më pak inteligjentë, përfundoi ekipi hulumtues.

2010 Ndalohet ribotimi i shkrimit pa lejen e autores.
Enciklopedi mjekësore No Comments »


February 24th, 2010Pajisje e re për matjen e fertilitetit





Nga Lorena Stroka

Një pajisje e re praktike u zhvillua nga shkencëtarët Holandezë me qëllim për të analizuar spermën e burrave. Më impresionuesja është se burrat të cilët janë të shqetësuar për fertilitetin e tyre, nuk janë të detyruar të rendin më drejt laboratoreve të veçanta për testimin e tyre, por përkundrazi mund ta realiziojnë vetë brenda mjedisit të tyre familjar. Hulumtuesit Holandezë të Universitetit Twente, shpikën pajisjen portative e cila lejon diagnostikimin brenda pak sekondave. Esencialisht, bazohet në një chip, prej 10 centimetrash, që analizon fertilitetin në bazë të numrit të spermatozoideve. Përcaktimi i fertilitetit (pjellshmërisë) deri tani ka qenë një proces i gjatë dhe i mundimshëm për meshkujt, të cilët ishin të detyruar të frekuentonin laboratore të posaçme për analiza.
Enciklopedi mjekësore No Comments »


February 24th, 2010Imazhe të pazakonshme!











Të ndryshme No Comments »


February 24th, 2010Foto të rralla të njerëzve të famshëm!





Sean Connery - TRUP-SKULPTURË!

Ylli Alen Delon - me Romy Schneider.

Salvador Dali (Dali - majtas… hahahaha).

Monroe - ëngjëll i vërtetë!

The Beatles në 1957. George Harrison - 14 vjeç, John Lennon - 16 vjeç dhe Paul McCartney - 15 vjeç.

Marlon Brando - me makinën e shkrimit të tij!

Monroe dhe JFK - në ato çaste kur dëshiron të jesh i vetëm në botë!

Kirk dhe simpatiku Michael Douglas!

Che Guevara

George Clooney - s’ka më keq se kaq, apo jo?!

Jack Nicholson

John Travolta