Plagosja në shkollën “Sinan Tafaj”, arrestohet adoleshenti

Tiranë, 2 mars 2012, NOA - Autori i plagosjes me thikë në shkollën
“Sinan Tafaj”, dy ditë më parë është arrestuar mbrëmjen e djeshme nga
policia. Adoleshenti O. Pepkolaj, 17 vjeç, banues në Tiranë plagosi me
thikë në datën 29 shkurt, 23-vjeçarin Rauljan Beqiraj.

Ngjarja ka ndodhur pas një sherri mes të rinjve dhe Pepkolaj ka pasur si
bashkëpunëtor dhe një bashkëmoshatar të tij. Pepkolaj e ka qëlluar disa
herë me thikë Beqirjan duke i shkaktuar plagë të rënda. Beqiraj, është
dërguar me urgjencë në spitalin “Nënë Tereza” dhe pas mjekimeve që ka
marrë gjatë orëve të fundit, mësohet se është jashtë rrezikut për jetën.

Ndaj 17-vjeçarit ka nisur procedimi penal, ndërkohë që po punohet dhe për kapjen e bashkëpunëtorit të tij.

a.k/noa.al