Këmba e djathtë e Angelina Joliet, hit në Twitter

Këmbën e djathtë të Angelina Joliet në Twitter tani për tani po e ndjekin rreth 30.000 persona dhe me siguri se do të ketë edhe më shumë. Profili është i mbushur me shumë shaka, fotografi dhe biseda humoristike që për bazë kanë këmbën e aktores, transmeton Koha.

Në qilimin e kuq parakaloi si një topmodele në pistë, dhe kur erdhi koha që të pozonte për fotografët, Angelina Jolie e hapi fustanin dhe e zbuloi këmbën. Disa për këtë shkak e thërrisnin seks-bombë, ndërsa të tjerët talleshin me gjunjët e saj prej ashtit të mëdhenj dhe me vena të fryra.

Sido që të jetë, këmba e Angelinës ka mjaft ndjekës në Twitter. Grupi nën emrin “Angelina Jolie’s Leg” ka aktualisht rreth 30.000 fansa, kështu që ne mund të përfundojmë se shumë njerëz e adhurojnë këmbën e Angelinës dhe kanë çfarë të thonë për të.

“Këmba e majtë dhe unë kemi biseduar. Vitin e ardhshëm në “Oskar” ajo e sjell shoqen’. ‘Duhet të pranoj se unë jam këmbë djallëzore” dhe ‘thënie’ të ngjashme për këmbën e aktores mund të lexohen në Twitter./knninfo/