Dehari e Mema fitues të “Kupës së flamurit”

Në Kodrën e Diellit në Tetovë është duke u zhvilluar gara në skijim “Kupa e Flamurit” e cila është organizuar nga këshillimi për festimin e 100 vjetorit të pavarësisë së Shqipërisë.
Sipas rezultateve paraprake fitues në kategorinë e meshkujve ka dalë Dardan Dehari, kurse në konkurrencën e femrave Dorina Mema.
Të pranishëm në këtë eveniment të rëndësishëm janë një numër i madh i ministrave shqiptarë në qeverinë e Republikës së Maqedonisë, zëvendëskryeministri Musa Xhaferri, ambasadori i Shqipërisë në Maqedoni, Arben Çejku, ambasadori i Kosovës në Maqedoni, Skender Durmishi dhe personalitete tjera.
Gjithashtu është vendosur edhe një flamur gjigant shqiptar, i cili njëherësh tregon qëllimin e organizimit të kësaj ngjarje të rëndësishme në 100 vjetorin e pavarësisë së shtetit shqiptar dhe flamurit shqiptar.