Një pjesë teatrale që ka trazuar Europën

Kur ajo u shfaq në Paris, u desh ndërhyrja e policisë për shkak se protestuesit sulmuan skenën. Në Tuluzë e Milano, pjesa teatrale u shfaq nën masa të rrepta sigurie. Tani radhën e ka Berlini.

Bëhet fjalë për një pjesë të regjisorit italian 51 vjeçar, Romeo Castellucci, të quajtur “Mbi konceptin e pamjes së birit të Zotit”. Vetë Vatikani ka reaguar duke e quajtur shfaqjen një fyerje për besimtarët e krishterë. Por përse ky reagim? Sepse në shfaqje një portret i Jezusit mbulohet me fekale dhe gjuhet me gurë. Vetë regjisori thotë se sulmet që i bëhen janë histeri e pakuptimtë.