NASA ideon "Morfeus", anija e ëndrrave që do të mbërrijë në Hënë

NASA ideon anijen kozmike që do të mbërrijë në Hënë duke i vënë emrin “Projekti Morfeus”, në nder të Morfeut, perëndisë greke të ëndrrave, raporton agjencia e lajmeve NOA.al.

Për inxhinierët që vunë në jetë këtë projekt kjo është një ëndërr e jashtëzakonshme.

Më 27 shkurt në Qendrën Hapësinore Johnson të NASA-s, u zbulua versioni i fundit i anijes Morfeus.

Inxhinierët besojnë se motorri i saj i fuqishëm, i cili djeg një përzierje të oksigjenit të lëngshëm dhe metanin, është një karburant shumë i mirë për të mbërritur në Hënë, që është dhe destinacioni i parë teorik i anijes.

Morfeus është përpjekja e parë serioze e NASA-s për ndërtimin e një anijeje hapësinore për t’u ulur në satelitin e vetëm të Tokës, në 40 vitet e fundit.

Projekti ka miksuar një numër të lartë teknologjish të reja për lëvizjen e integruar, navigimin dhe sistemet e kontrollit, për të prodhuar një mjet të sigurt dhe të besueshëm për zbritjen në Hënë.

Sfida të reja priten në çdo test të anijes, sikundër edhe më 27 prill, kur do të provohet një sistem i ri shtytjeje.

Morfeus është ende një projekt.

Ajo është ideuar, dizenjuar dhe montuar në Qendrën Hapësinore Johnson dhe në atë Armadillo.

Anija Morfeus është e aftë të mbajë një peshë prej rreth 500 kilogramësh, ku mund të përfshihet një robot humanoid, pajisje hulumtuese, apo dhe një laborator i vogël.

Pavarësisht shkurtimeve në buxhetin e NASA-s, inxhinierët shpresojnë që Morfeus të jetë gati një ditë për t’u ulur në Hënë, në Mars apo ndoshta edhe në ndonjë asteroid.

mit/noa.al