Duhanpirja pasive shton rrezikun për ekzemë te fëmijët

TOKIO- Ekspozimi pasiv ndaj duhanit në tre muajt e fundit të shtatzënisë është i lidhur me rrezikun më të madh të shfaqjes së ekzemës te fëmijët, sipas një studimi të shkencëtarëve japonezë. Studimet e mëparshme kanë treguar për shpeshtësi më të madhe të astmës dhe infeksioneve respiratore te fëmijët, nënat e të cilëve gjatë shtatzënisë kanë qenë të ekspozuara ndaj tymit të duhanit. Nga ana tjetër, është konfirmuar se duhanpirja pasive në gjashtë muajt e parë të shtatzënisë nuk paraqet rrezik për ekzemë te fëmijët. Rezultatet e këtij studimi janë të bazuara në testimin e 1.400 fëmijëve të moshave nga dy deri në 18 muaj. (ma.ar/telegraf/BalkanWeb)