"BB5, vajzat shumë të bukura në foto, por të zhgënjejnë”

Tiranë, 8 mars 2012, NOA - Elvisi, Erioni dhe Ermali janë duke diskutuar me njëri-tjetrin. Ata shikojnë fotot e vajzave të shtëpisë dhe thonë se në foto duken shumë të bukura, por se ato të zhgënjejnë në momentin që i shikon.

Ata komentojnë foton e Gentës. Elvisi thotë se në foto Genta shpreh një anë të karakterit të një njeriu tjetër. “Nëse do të jesh duke folur në internet me Gentën dhe do ta shikosh vetëm foton e saj, mund të mendosh për një tjetër tip”, shprehet Elvisi. Djemtë imagjinojnë sikur të kenë qenë duke folur me Gentën për disa muaj në internet dhe zhgënjimin që do të kishin, kur ta shikonin realisht. Ata flasin dhe qeshin me njëri-tjetrin. “Është vajzë e mirë”, thotë pasi qesh Erioni. Elvisi ia plotëson mendimin, duke thënë se një njeri që përdor fjalë të rënda si mallkime, në të vërtetë është një njeri me zemër të mirë dhe e kundërta ndodh me njerëzit e ligj, të cilët mundohen të flasin gjithmonë me fjalë të ëmbla, për të fshehur shpirtligësinë e tyre, transmeton TCH.

Françeska mërzitet nga biseda me Klaudjan dhe e shpreh mërzinë edhe në mimikë. Banorët e vënë re dhe fillojnë që ta pyesin, ndërsa ajo fillon të qajë, pa pranuar që të japë shpjegime.

noa.al