Yahoo kërcënon Facebook

Londër, 29 Shkurt 2012, NOA - “Dyluftimi” mes dy kolosëve të botës së teknologjisë mbi licencat vazhdon të bëhet gjithnjë e më i ashpër.

Tashmë është Yahoo që kërcënon me ndërmarrje ligjore Facebook dhe kjo në lidhje me disa licenca kryesore të aktivitetit të saj.

Siç bëhet e ditur nga New York Times apo dhe Financial Times, rreth 20 licencat kanë të bëjnë me futjen e reklamave, personalizimin e faqeve dhe të shërbimeve të rrjetit social.

“Yahoo mban përgjegjësi kundrejt aksionerëve dhe punonjësve për mbrojtjen e pronës intelektuale. Theksojmë se ose do të jetë Facebook që do të nënshkruajë një marrëveshje ose do të ndjekim një rrugë ligjore për të marrë një vendim më të drejtë”, - lexohej në një njoftim të kolosëve tashmë të zbehur të internetit.

Për momentin duhet theksuar se nuk ka ardhur asnjë reagim nga ana e Facebook.

r.b/noa.al