Ja pse Serbia do të jetë e detyruar të njohë Kosovën

- Zgjedhjet në veri të Kosovës është një ide e keqe e Serbisë, duke pasur parasysh se rezoluta 1244 nuk parasheh mundësinë që Beogradi të shpallë zgjedhje lokale në Kosovë. Një vendim i tillë i autoriteteve serbe mund të ndalë rrugën e parafrimit të Serbisë në Bashkimin Evropian. Kështu ka thënë Hana Semaniq, eksperte për BallKanin Perëndimor dhe anëtar e Qendrës Kërkimore të Zgjerimit të BE-së nga Budapesti.
E pyetur se çfarë pret nga dialogu mes Beogradit dhe Prishtinës deri në raportin e radhës së Komisionit Evropian, Semaniq ka thënë në një intevistë për gazetën "Danas" se "është e domosdoshme që të vendosen marrëdhënie normale, që nënkupton pjesëmarrjen e përfaqësuesve të Beogradit dhe Prishtinës në konferencat ndërkombëtare". Po ashtu, sipas saj, kjo nënupton edhe nënshkrimin e marrëveshjeve me interes të ndërsjellë, si dhe të gjenden zgjidjje për telekomunikacionin dhe avancimin e bashkëpunimit me EULEX-in.
Në pyetjen direkte se a është e detyruar Serbia të njohë Kosovën para se të hyjë në BE, kjo eksperte për Ballkanin Perëndimor thotë se "Kosova është dhe do të mbetet sfida më e madhe për Serbinë. Mendoj se Serbia në të ardhmen do të jetë e detyruar të njohë Kosovën në këtë apo në atë mënyrë, por kjo do të shoqërohet me zgjidhjen juridike të pranueshme për të dyja palët", është shprehur Hana Semaniq nga Budapesti.